2010年3月29日星期一

香港迪士尼原貌

小弟ge Hard Disk 修復.... 其實要救ge 都差唔多... 仲有d 唔見左就算數la~ 今日呢篇開始HKDL 五周年特輯中第一篇~ HKDL 原本個plan~ 其實1999年當公佈左WDC 同HKG 會合作起全球第五個迪士尼樂園係香港ge 時候.... 都隨之公佈HKDL 樂園內會有乜區域同設施~ 有d 同依家分別唔大~ 但有d 就直情冇左~

2010年3月26日星期五

事先張揚的復活節Meet & Greet

大家一直都好想HKDL 係復活節情人節呢d 小節日度搞下d 細活動~ 除左上年有個心願桃花園之外~ 好似復活節年年都冇乜活動wo~ 園方係Facebook Account 就剛剛公佈左復活節活動~~! 不過唔係park 入面~ park 仍然係VIP~ 復活節就去酒店吧~~!!!
復活節即將來臨,香港迪士尼樂園將於4月2日至4月6日期間,在樂園及兩間主題酒店為賓客準備一系列復活節特色美食及精品。此外,香港迪士尼樂園主題酒店更將推出一系列復活節活動,讓賓客一家大小於節日期間盡情歡度假期。

各項繽紛,益智又考考身手的運動項目, 節慶活動, 家庭競技, 多款有趣的遊戲, 手工藝製作等等, 讓你過一個開心又滿足o既復活節假期!!

創作屬於自己的砌畫和繽紛鎖匙扣

復活節兔將復活蛋散佈在迪士尼好萊塢酒店內,歡迎賓客一同把所有復活蛋尋找出來

一系列活動考你創意, 又讓一家大細運動舒展一番

愛麗絲與白兔先生自助晚餐
(可與愛麗絲及白兔先生會面)

迪士尼好萊塢酒店日落台
供應時間: 18:30至21:30
價錢:成人港幣298元, 小童港幣168元

註:享用「愛麗絲與白兔先生自助晚餐」之賓客,須於當天到達日落台即時預訂。餐廳營運將按天氣情況而定。

===========================感想===========================
1. 又係俾錢Meet & Greet~ 算la算la~ 今年佢地搞VIP 活動多左好多新人物出現~ 已經係一大進步~ 俾錢M&G 並唔係單單止酒店~~! 仲有乜M&G 活動要俾錢?? 咪果d VIP 之旅lor~~ 聽講有特別人物~ 不過礙於會影響到園方日常運作~ 就唔方便講俾大家知~ 想知道不妨親身體驗~ 參加呢d tour la~ 或者會有驚喜~!!!

2. 由VIP 活動開始都已經感覺到園方今年好銳意要發展VIP 成為一個大型項目~ 而今年咁樣儲卡法... 引晒班師奶爆park~ 可以預計到成績會好過上年好多~ 咁下年重來機會又大大增加~~!!

VIP 聲勢壯大~ 剛剛好填滿左HKDL 一整年活動時間表中唯一空檔~! 依家每個月都有大活動舉行緊~ 五周年.... HKDL 終於都做到!!! 除左活動同活動之間少人d 之外~ 已經減少左出現「死城」ge 情況~

Theme Park~ 係唔應該有所謂旺季淡季~! 淡季即係表示你唔做野~! 但係將個責任推去遊客身上~ 你乜都唔搞休想有人會用真金白銀支持你la 係咪~?

3. 白兔先生.... 唔係第一次出現~ 不過今年將個戰場移去酒店區~ 唔知道酒店d 佈置會點呢?? 其實咁安排都唔錯~ 大活動留係park~ 小活動轉去酒店區搞~ (情人節都移去酒店大搞就好~) 分開兩邊連酒店都可以帶旺埋~~~!!

4. facebook 留言度見到d 人講野都幾不留情面~ 「點解lee個愛麗絲又老又醜怪嘅...?」「呢張我都"讚"唔落手呀~^^」哈哈~ 呢個情況已經唔係第一次出現~ 今年同前年 (上年冇出) 元宵出Beauty and the Beast~ 大家今年影完之後都話可以即刻Delete 前年張相~ 哈哈哈~  

2010年3月23日星期二

金民豪稱樂園或再建造一座三星級酒店

香港迪士尼行政總裁金民豪表示,迪士尼經歷過去兩年低潮後,預期於經濟好轉下,今年樂園客流量至少會有單位數的增長,望兩年內盈利會有明顯改善,而擴建的三個主題公園將於明年底至後年初起對外開放,未來樂園亦不排除再建造一座針對內地遊客的三星級酒店。

他指,樂園開放初期,由於美國式的迪士尼文化並不適合亞洲市場,故開業初期都與市場脫軌。故自2008年後,著手轉變傳統的經營模式,加入新的理念及節日主題吸引遊客。他亦預期,內地將會成為迪士尼最大的客源地,並將超過香港,故樂園將重點拓展內地市場。

=======================感想=======================
1. 仲記唔記得上年暑假當立法會討論緊注唔注資呢個問題ge 時候.... 已經有消息傳出HKDL 將會有下一輪計畫~ 但唔係park 入面~ 而係park 外將計畫興建第三座酒店~ 同埋商店購物中心??

2. 再較早之前一篇可以見到當時HKDL 招募人才個網頁請Architectural Designer~ 需要experience in architectural or interior design on hotel/commercial projects~

當時迪士尼發言人唔記得係冇回應定係話冇呢個計畫~ 今次金生親口講~ 就再一次見到迪士尼官方「否認」其實係慣常面對傳媒ge 技巧~

3. 當時又有報導引用「知情人士」消息~ 提及到2009年公佈三個新land 後ge 計畫~ 就係最快會係2010年公佈新酒店同Down Town 計畫~ 仲有Glacier Bay 冰極天地都將會重新放上HKDL 下一輪擴建項目~ 雖然仲有咁多年~ 變數仍然非常大~!!! 但係依家睇睇~ 好多個小證據夾埋~ GB 並唔係完全冇機會返黎wo~

4. 今次呢篇引述金生說話ge 新報導又update 左資料~ 就係佢地原來想針對大陸客起一間三星級酒店!!!!

我個人就咁睇ge... 香港本身塊地唔係好大~ (both HKDL 同香港總面積~) 港鐵又方便又平~ 遊客要出市區ge 話其實都唔係d 乜困難ge 事~ 既然佢地係想留係resort~ 當然係想同外面隔絕一晚.. 留係呢個充滿魔法ge 地方~ 起三星級就.....

其他Disneyland 其實都唔係間間都四五星級~ 都有三星級ge 酒店~~ 唔係d 乜大問題~ 我估fans 們係對金生所講「針對內地客」而建三星級反感姐~~ 冇錯~ 歧視仍然存在~ 因為你用得「針對」即係想投其所好~ 我地係驚呢一樣姐~

香港迪士尼塊地相比之下珍貴過外國迪士尼好多... 如果HKDL 可以起一座四星級咁ge 酒店~ 但收三星級ge 價錢~ 我相信香港人會同內地客爭相入住tim~

講到尾~ 都係金生不善辭令所致~!! 佢句「再建造一座針對內地遊客的三星級酒店」挑起左不滿情緒~ 因為佢迎合得一班人口味~ 另一班人就覺得你冷落左佢地~~!

搵個講野唔叻ge 人出黎講野........ 就會造成一次又一次的誤會.... 點改善形象????

打樁機進駐新園區

今日HKDL 架火車已經重新投入服務~~ 但係同之前傳聞所講一樣~ 依家火車已經得返單程~ 唔會行走探險世界一段路~ 遊客必須要由幻想世界上車~ 經明日世界到達美國小鎮大街~ 然後全部落車~ 果然!!!!! 依家已經開始左起通向Toy Story Land ge 通道~~!

同一時間~ 山谷呢邊工程都進行得非常快~~ 吊臂一號同三號每日都運作中~~ 而近日係吊臂旁邊仲出現左打樁機!!!!!!!!!!!!!!!!!!!!! (應該係~)


唔知咁樣打法會唔會嘈到拆天?? 遲下天氣再熱d 再加埋打樁聲~~! 煩到d 人打交都唔定~~!

又睇一睇工程大約係咩位~ 雖然今次影呢兩張相個位係木筏碼頭~ 角度同之前d 相有少少出入~ 但係個打樁機好近河流~ 應該唔關莊園事~ (莊園要入到神廟位先係~) 有人話會唔會係因為我地遠睇睇唔到距離~ 可能直線拉過去已經係莊園Show Building~ 但係第二張圖可以見到兩個吊臂夾住打樁機~ 應該三個係平排做緊同一工程~


又係玩水位?? 打樁??? 要打d 乜入去呢唔知~ 不過聽現場直擊報導話.... 依家工程聲浪都非常之大~ 就算行過Aland Fland 交界個吸煙區都聽到工程聲~ 佢地都已經唔理係咪bad show~ 日日勤奮地開工~ 好似好趕咁~~! 咁就岩la~~!! 快d 開la~~!

VIP 限定 - 迪士尼人物特別登場

VIP 活動Media Day~ 同Big 4 一齊出場ge 除左一班義工之外.... (做得好~ 個義工獎勵活動真係同VIP 一齊做宣傳~) 仲有幾位好少係香港迪士尼出現ge Characters~ 依家仲儲緊相~ 慢慢更新吧~~ d MM 我唔講la~~ 著眼於Characters~~

 Rafiki @ Lion King~ VIP 活動個Poster 就見過佢出現~ 但係真正落park 行就真係第一次~ 尋日Media Day 又唔見佢出~ 今日又有d 尋日出過ge 冇再出~ 所以唔好諗住睇完blog 就拎幅相隊入City Hall 問幾時出黎影~ 拿~ 呢d 就真係Magical Moment la~ 聽人講新Character 仲會陸續有黎~ 大家可以入多d park 撞下~ 話唔定會有意外驚喜!!



Jasmine~~! 其實佢都係珍貴ge character 黎~ 雖然都唔係第一次出現~ 但係平時都係唔會見到佢係個park 度同人meet & greet~ (注意! 今日Jasmine 同Pocahontas 都唔係M&G~ 雖然影得好似...) 待遇完全唔同其餘四位公主~~ 希望HKDL 會逐步增加其他Disney Characters 出場機會la~~ 我個人已經對貴公司冇乜要求~ 你VIP 活動期間出特別人物都好過365日完全唔出~~



仲有係香港迪士尼極少極少極少會見到ge 人物~ Pocahontas~!! (小小世界開幕係咪有出場過??) 我覺得HKDL 呢一下好勁!!! Pocahontas 由電影銀幕跳出黎一樣~~!!! 之前Esmeralda 又係同一情況~~! 等幾年都抵等~!!



My Pinocchio~ 小小世界可愛登場~!!!!! 咦~? 呢個咪落船位?? 之前父親節佢兩父子都係鐘樓前M&G~ 今次進駐室內~!!! 咁耐以黎係咪得Mickey and Friends 可以係室內 (Mickey's House) Meet & Greet~~?? 完全可以見到小木偶身價同地位~! 哈哈~~! 希望HKDL 會繼續加強Pinocchio 出場機會~~!!



Baloo @ the Jungle Book~ 因為好多人都唔係幾清楚Aland 可能出現ge Disney Characters~ 所以令到HKDL 入面Meet & Greet 分佈得唔平均~ (當然人流都係一個主要因素~) 其實Baloo 都有係IASW 出現~ 又想讚一讚安排Baloo + Louie 係打鼓位出現果位CM~ 再加埋之前官網重點宣傳~ 我估會吸引到AP 去打鼓位~



King Louie @ the Jungle Book~ 大家唔好認錯佢地三隻動物~ 但其實我都冇睇過呢齣電影~ 始終佢係香港真係比較冷門左少少~ 但既然香港有個迪士尼樂園~ 冷唔冷門只係開幕頭幾年先出現ge 情況~ 過左十年之後如果仍然係冇人識~ 個責任就落係HKDL 度~



Terk @ Tarzan~ 托托其實係香港迪士尼opening team 黎~ 不過可能真係冇乜人同佢影... 所以絕跡左Adventureland 甚至HKDL 一段好長ge 日子~ 正正印證左冷門角色會被園方「調走」呢個情況~



但係今次VIP 活動又見到HKDL 好重視Terk~ 因為佢係唯一一個HKDL 特別為佢整backdrop ge 角色~ 係河景旁邊個平台~ 要上幾級樓梯轉左~ 大家如果真係想HKDL 繼續有多d 角色出現~ 就多d 搵佢地影相la~ 如果長期冇人排隊.. 想再見到佢地都難~
今年VIP 真係特別過上年好多~ 起碼唔好再俾我地覺得你低成本零成本咁搞個event~ 喪出characters 就真係似返個Disneyland~!

Gepetto 同Pinocchio 尋日一齊出現於小小世界出口~! 太Magical 了~~! 搞到我要update 返~~! 適逢Earth Day Event~! Jiminy Cricket 係咪都有出現~? 佢地會唔會一次過三位聚首一堂呢??



火車工人Mickey~ 尋日火車重開~ Magical Moment 隨即出現~!! 今次VIP 比上年更主打MM~ 樂園每處都出現奇妙事情~ 設施維修完~ 魔法立即就進駐~! (咁咪即係Lion King 都....)

Mickey 呢身打扮大家都唔會陌生~ 因為係之前CNY 陳慧琳MV 入面出現ge 造型~ 呢身為火車度身訂造ge 裝束唔做迪士尼樂園鐵路MM 又點說得通?? 成件事都咁岩match 得好好~ 火車行駛單程再加上得一架列車~ 只可維持有限度服務~ 唔需要好趕急清場等下一班車黎~ 造就Mickey 的MM 出現~!



期待更多迪士尼人物出現!!!! 

2010年3月14日星期日

五周年 x Star Guest 收藏卡

上年summer 儲呢d character 收藏卡都儲得好開心~ 因為貼紙已經派到好濫...而且黎黎去去都係果幾個人物... 今次star guest 派五周年ge 貼紙同卡就好唔同~ 聞說藍底果set 貼紙每兩星期出新一期四款ge 話...都要到暑假先出得晒~ 係咪好癲?? 要儲齊就入多幾次park la~

仲有呢set 卡仔~ 好似會分兩期派~ 所以我估應該有18張~ 今次五周年同上次summer 相比~ 閃得比較明顯d~ (上年果d 都有閃但唔易察覺~) 而且園方都唔想兩次人物收藏卡ge 人物會重覆~ Dumbo 要做封面~~!!


吊臂三號加入!!

今日又有新吊臂加入~~!!

到底我係咪要每個吊臂都編個號碼俾佢呢?? 咁遲d 咪可能會有吊臂二十~? (諗起都開心~ 成個park 都係吊臂~~! 正!!) 其實又唔係唔可行ga wo~ 如果我地真係可以follow 到實一實~ 編左號碼ge 話之後想形容返呢個位就可以直接講個號碼出黎~ 今次三號係藍色~ 同一號係同一個位~


上埋樹屋睇睇... d 樹太高... 我估我地之後都唔會影到GT d 乜ga la.... 但係座灰熊山ge 建造過程應該可以一覽無遺ge~~! 諗起都興奮!!!


又黎睇睇工程位置~ 大家見到兩個吊臂都係大象媽媽教小象BB噴水ge 後面... 再配合埋JRC 架船ge 角度~ 吊臂一號同三號個位置大約係箭咀呢個方向~ 仍然係玩水區~


越來越多~! 越來越起勁~~!!各位如果有新料新相都歡迎提供~~!

2010年3月13日星期六

吊臂二號曝光

今日呢篇補講返吊臂二號~ 記唔記得個零兩個星期之前park 入面出現左兩個吊臂?? 一個係比較矮ge ~ 我幫佢改左名叫吊臂一號~ 可以搵返之前ge 文章睇睇~ 但係當時仲有另一個大高長吊臂二號同時出現~~~ 而呢個吊臂只係出現左兩至三日就消失左~~

因為果陣係week day 大家都要返工返學冇人入到park 影相~ 明查暗訪後.... 小弟終於都班到呢張相返黎!!!! 請鼓掌~!! 所以咪話要做個HKDL 全紀錄唔係單憑一兩個人就可以成事~ 個個都入唔到park 而得你影到呢張相~ 往後講HKDL 歷史就有你呢張相ga la~~!


既然三個新園區都被森林河流之旅隔開... 又既然火車停駛冇得近距離影.... 最近距離而又係遊客可以踏足ge 地方~ 就係JRC 了~~!

咦.... 真係sure 呢種吊臂係用黎吊重野???雖然係高d...

再一次近距離睇吊臂一號~ 同森林原野形成強烈對比~ bad show~ 我鍾意!!! 唔知如果有人問skipper 出現吊臂原因... 佢地可以點keep magic 答呢?? 從來擴建就唔係magic 的一部分~! 真係有magic 就叫Mickey 一夜間變三個新園區出黎la~ 唔駛我地等咁耐tim~


兩個吊臂出現位置同上面兩張相拍攝角度示意圖.... 咁或者可以估到佢地依家做緊乜... 以下係個人推測~ 吊臂二號個位置再夾埋之前JRC 呢個位附近出現綠色封布同火車停駛等等ge 傳聞~ 似乎係for起通道~ (但感覺上二號比較遠離JRC~)


而吊臂一號位置約係山谷玩水地方... 之前又有人見到地下放滿水管同鋼筋~ (如果冇睇錯~) 正常起建築物之前都會搞左地底水管電視渠道先ge... 唔通最尾先挖地鋪渠咩~

有新消息.... 有網友話尋日入Aland 聽到好嘈好大聲ge 工程鑽野聲~ 連JRC 排隊位都聽到~ 又bad show~? 魚與熊掌問題~ 快d 嘈完就有得玩~!

有新工程照同入park 完後見到任何狀況都歡迎係度提供~~! 感激不盡!!!

2010年3月12日星期五

五周年回顧特輯 - 預告篇

係時候匯報一下小弟個Hard Disk 情況... 其實小弟係有幾個hark disk.... (而安放係電腦入面就有兩個~) 裝Disney 資料果個咁岩就壞左~ 但係唔影響我開電腦入windows同上網~ 所以我冇Back up 到d file 就係咁解~ 因為同Windows 係分開!! 本身唔會有問題...

唯一會出現問題ge 情況就係呢個HD 壞左~ 正正就係今次發生ge 狀況~ 而該HD 入面係有齊咁耐以黎HKDL 同其他Disneyland 資料...文件...圖片...音樂同影片~

有網友之前提供方法係上網download一個Data Recovery software scan 個Hard Disk 搵返資料...... 的確係有用!!! 我scan 完後見返d file~~! d concept arts 原封不動係返晒度!!!!! 咁都放心d~

但依家個問題就係.... 我copy 唔返d file 去另一個hard disk 又或者拎返出黎... 因為個software 要求我俾錢買完全版~~ 呢d 就係所謂有得睇冇得食~

等我拋舊磚出黎吊下你地癮先~~ 有人問點解我唔會放圖去網上相簿?? 會放ga~ 但唔係full size~ 原size 當然係電腦~ 包括下面呢張HKDL 2005年開幕模樣的構想圖~ 可以click 入去放大~ 畫得好靚好夢幻~!



係咪好期待之後ge 內容呢?? 幫我救返d file 先la~~ 哈哈~ 希望呢個五周年特輯分類可以有更多篇章la~~ 開唔到回顧ge 話呢個分類就講下五周年有乜活動~

如果我之前都send 過d concept art 同相俾你~ 希望你都可以send 返俾我~~ 集結成blog~~! 多謝晒!!!

2010年3月8日星期一

Chip n Dale 加入森林木偶嘉年華

星級款待就黎開始.... 早兩日有網友send 左一條片俾我... Chip and Dale 大家見得多la...
Adventureland 入面個森林木偶嘉年華大家都應該有睇過呱?? (冇ge 話可以入多d aland 睇睇~~ 佢地首歌係用DAK parade 首歌ga~) 但係兩者夾埋一齊出現~ 又有幾多人見過呢??

聽聞呢個合作唔係第一次了... 即係正如已經被金生斬走的the Dapper Dans... 同埋main street 個Ragtime Piano player 都有時會一齊出場表演~

去得太遠了~ 講返呢個對我黎講先係Magical Moment 的時刻~ 睇片吧~

用左五個Greeter~ 我覺得呢d 真係好正好disney~ 我唔理佢地係咪預先夾定過晒~ 又或者下次Chip Dale 被梅林邀請做皇帝... 諸如此類~ 只要我地呢班Guests 係估你唔到ge surprise 就係Magical Moment la~~

MM 唔應該係3至5月呢段期間先出現... 而係應該每一日係park 入面不同角落不斷發生~ magical moment ma~ 冇magic 就唔係Disneyland la~ 套落HKDL 個做法~ 6月至2月HKDL 唔應該叫Disneyland~

擴建資訊 (三月號)

嘩~~~! 我好想好想開呢個topic 好耐~~ 次次都係講DCA 工程幾月號~ Harry Potter 工程幾月號.... 個個月update 但講極都唔係講HKDL... 今個月開始可以重新開過呢個topic~ 終於都關我地事!!!

上個星期大家都見到以下呢個吊臂一號~ 不過係由遠處影... 今次黎個近鏡~ 係木筏碼頭影~


樹屋望過去山谷位~ (又或者係莊園~) 都係做緊前期準備工作~


Adventureland 同Fantasyland 交界條通道.... 呢邊係大門近Fland ge 景象~


聽人講火車開返之後冇耐就會封左Aland 段路... 只走Tland 方向.... 回想返起小小世界果陣... 火車橋都係停駛左好耐 (但有冇人可以提供返個準確時間長度?)..... 
Demon Jungle 通道都用左半年時間整~ 照Toy Storyland 預計開幕日期黎估.... 佢地依家如果真係封布做火車軌同通道都唔過份~

仲有就係大家都話上星期個大高粗吊臂唔見左~ 冇人影到呢幕~ 可惜可惜~!

歡迎各位入park 影工程相~~ 大家一齊復興IASW 果陣ge 偷拍熱潮~ 呢個blog 有冇得update 就靠大家了~~!
電腦壞左加唔到logo~ 對相片提供者講聲sorry~

2010年3月4日星期四

吊臂一號

好好好... 尋日收到風話Park 入面已經見到有吊臂... 夜晚細查之後發現原來出現左兩個吊臂~ 一個就係樹屋後面~ 係比較矮ge... 同埋聽人講呢個size 應該吊唔到d 重野~ 可能係吊下樹... 吊下貨櫃office 咁~ 而吊臂一號 (唔知點叫佢ar~ 編號碼算~) 位置似乎係屬於灰熊 (野礦) 山谷部分... 回想返火車維修之前GT 個位有d 乜.... 有人話塊地放左好多水管~ 會唔會呢個吊臂就係吊水管呢??

睇相遠景真係乜都睇唔到... 似足樹枝咁~ 不過線人話現場睇係好顯眼~

zoom 埋去就會見到~
線人話呢兩日仲有個大粗吊臂出現係Fantasyland~~~ 高到連Main Street 都見到~ 身處main street 會見到龐然大物位於Castle 左後方... 個位應該就係Toy Story Land~ 而且個吊臂比較吊~ 可以for 重物~ 嗯??? 咁快有野要吊落去??? TSL 有大型建築物咩?? (但會唔會天秤型先係吊力最重ge 吊臂呢???)
根據各方消息指出.... 今朝早仍然見到大吊臂係度~ 但係相片提供者放學入去時已經見唔到~ 唔通黃昏就會縮返埋???
Main Street 見到吊臂.. 係咪即係將來我地Main Street 都會見到TSL d 設施....?
==============================================
感謝網友提供相片~~ (如果大家想我開名就話我知la~) 以下呢兩張相都冇吊臂係度... 應該係CNY event 仍然進行中ge 時候入園拍攝ge~
樹屋應該都係只能見到山谷.....
到呢邊... 玩JRC ge 時候網友發現獵頭族一段已經圍左布~
鑑於獵頭族個位已經到達成程尾聲... 而Aland Fland 交界都聽到土著叫聲... 所以獵頭族個位係處於近Aland Fland 交界... 而d 布就似乎係為開拓通去TSL ge 新路作準備~
既然吊臂已經出現~ 咁小弟又係時候要請求各位提供擴建工程相la~~~

2010年3月1日星期一

Pin Trading Fun Day 2010

今次係HKDL 第四次搞Pin Trading Fun Day~ 其實由第一年開始都見到呢個活動會係越來越多人玩~ 到之後諗左d 搞鬼小遊戲~ 就搞到Main Street 排晒勁長龍~ 班國內同胞黎到仲以為有野派tim~

Pin Trading Location 已經冇左CM 企係度同人換pin~ (其實呢個位都幾悶... 同埋又要放多個人係度即係多左人手... 唔乎合金仔縮減開支ge 原則~) 到依家多到幾個月福袋... 勁唔似Disneyland... 而係維園花市般的叫賣方法.... 睇數字做人的高層好開心~ 唔知到Pin Trading Fun Day 時會唔會仲見到班CM 係度叫囂呢....?




2010年4月9~11... 星期五六日~ 仲出左三款LE Pin... 又黎史迪仔.....





小弟三年Jumbo 都有儲到... 今年會唔會都買呢?? 睇睇個設計... 應該都係會儲埋ge... 但係另外兩個pin 就唔係乜事... 最好個包裝會令到大家有意欲買la...

根據以往經驗.... Pin Trading Fun Day 前Merchandise 都會喪出新pin 黎谷行大家儲pin 個意欲~ 而且都會係靚pin~ 令到大家期待ge 唔止係呢個活動~ 仲有上架ge 新貨~ 唔知今年有咩新系列呢??