This is Mr. B: 五周年特輯

Update 左Lion King 兩張concept arts~ 順便可以俾各位重溫呢個特輯~

今日講另一個主題區... 就係探險世界~ ....

睇睇呢個最初concept art~ 香港迪士尼adventureland 係全球咁多個adventureland 之中最大面積~ 因為我地將adventureland 同frontierland 合埋一齊起~ 而呢個版本都有別於其他版本~ 佢係以Animal Kingdom 為參考而起~ 呢個角度係.... Mystic Point 望過去~ (哈!) 當然係縮細左唔理scale~

呢度係由樹屋望落去ge 景觀.... 可以見到碼頭.... 上面果幅圖個風格同埋下面呢張圖甚至之後JRC 圖都唔同~ 應該唔係出自同一畫家手筆....

都要post post Adventureland 完整地圖.... HKDL 幻想工程師個POST 同呢張圖對我黎講都有d 美好回憶~~ 不過呢種熱情已經慢慢減卻... 希望新三Land 可以令到我重拾熱情~~

泰山樹屋圖+模型.... 大家都知道係以泰山個故事黎做藍本.... 但係大家都未必知道Adventureland 仲有泰山故事ge 其他證據~ 我地留待遲少少先講~~

森林河流之旅.. 大象媽媽教象BB噴水...唔講唔知道...原來JRC 入面全部大象都係黎自同一個家族~~ 而且係Adventureland 不同角落出現ge 象BB (呢度... 樹屋底同近碼頭位) 都係同一隻象~ 但呢隻小象好頑皮周圍走~!! 下次記得同佢say hi~

上面呢個scene 之後JRC 會黎到一個分叉路.... 架船會轉向右邊入神廟... 但係原來我地個旅程原本係要駛向左邊...因為呢個時候突然有隻象係水底冒出擋住去路... 我地先急轉右邊... 本來幾萬里ge 探險之旅因而駛入捷徑....
黎到廢棄ge 神廟.... 話說adventureland 參考地球上不同國家ge 森林而設計... 但呢度並唔係小小世界... 你眼前ge 景色唔係真實你見過存在ge 地方~ 相反呢度係一個未有人踏足ge 世界... 所以先吸引到咁多探險家黎呢度探索~ 關於JRC 更多ge 故事.... 有機會再講~

我地好快就進入猩猩營地...呀唔係!! 係被猩猩入侵ge 營地~ 通常我地會聽到船長介紹呢個營地係波特教授ge~ 亦都即係泰山電影入面出現ge 場景.....

而當探險船經過呢一個場景ge 時候.... 如果你係坐係左邊... 你會隱約聽到營地個留聲機正播放住下面呢首歌.... 呢首歌係岩岩過去ge summer event 中都成為「森林熱舞族」入面托托出場ge 歌曲... 咁就梗係la~~ 呢首歌係托托ga ma!! 睇片可以見到成班泰山ge 動物朋友正摧毀緊波特教授ge 營地....

截返電影入面ge 圖出黎同Adventureland 對比.... JRC 猩猩入侵波特教授營地呢一幕... 原來只係抽取出黎ge 其中一個部分... 其餘部分係泰山樹屋ge 底部完整重現!!!

係咪再一次佩服WDI 功力?? 都講左WDI 放每一樣擺設背後都有原因support~
如果你係2005年有入過香港迪士尼又玩過森林河流之旅...你會發現2005年同依家有幾個不同之處... 因為2006年WDI 為JRC 增加左幾個場景~ 包括食人魚 (聽講近期因技術問題停左~) 非洲草原加左大象~ 同埋以下呢班探險家被犀牛攻擊ge 場景等等~ 都係後加~~!

比較一下增加場景前後JRC 分別~

整個旅程當中有幾個意料之外ge 地方係船長誤闖.... 包括上帝狹谷!! 因為呢個場景令到迪士尼呢個經典設施增加左驚險成份~ 比其他版本得到更高評價~

歷奇噴水池~ 唔及UFO地帶濕~ 但想降溫又唔想全身濕透~ 呢度都係一個唔錯ge 選擇~ 畢竟呢個位都唔夠起ride~

原野劇場上演獅子王慶典~ 又係一個引入並改良外國已有ge 表演~ 我地呢個版本有故事亦有更多舞台特別效果~ 比Animal Kingdom 原版更厲害!! 好多人都覺得The Golden Mickeys 好睇過The Festival of Lion King... 我就覺得後者個代入感強d 好睇d~ The Golden Mickeys 係華麗ge 百老匯表演~ 而The Festival of Lion King 係壯觀ge 舞台效果~ 兩者都唔同!! 講真我都唔想呢個show 被取代~

之前TL 同FL 都有講到擴建... AL 都有擴建!! 亦都係我地好多人見證~~ 不過呢個擴建設施暫時只會係黑色世界時先開放~ 就係森魔詭域通道... (但呢條路亦都係將來通去Grizzly Gulch 通道~ 所以我地都可以話呢個係擴建ge 前期工作~)
呢幾張相之前post 過~ 見證通道改變~ 不變ge 係左邊果棵樹一直處於同一位置~~!