2011年11月11日星期五

香港迪士尼「巴斯光年星際歷險」的故事

B San 講故仔又黎同大家見面~ 之前幾次都係同大家講Fantasyland 幾個ride嘅backstory~ 今次同大家講嘅故事係位於明日世界~ 一個適合任何年齡而個個都會覺得好玩嘅attraction~ Buzz Lightyear Astro Blaster~

揀呢個時候講巴斯個故仔~ 係因為依家正值Toy Story Land 開幕~ 全城都處於反斗奇兵熱潮之中~ 而一班玩具朋友... 又點少得巴斯光年?? 有好多人入到TSL 之後都會覺得呢個land 冇左位主角就好似少左d 野咁~ 其實香港版TSL 之所以少左巴斯光年~ 並唔係忘記左佢~ 而係因為佢有任務在身唔能夠離開Tomorrowland~ 佢係一個勇敢嘅太空戰士~



入口聳立左一個巴斯英雄像~ 以表揚佢對銀河系嘅貢獻~






一入到去室內等候區~ 就會見到一個oversize 嘅對講機~ 但呢個冇TSL 個咁大~ 因為我地今次係入左巴斯個故事~ 比例唔同左~



對講機播出好多段不同嘅求救訊號~ 內容大致上都係話有機械人黎搶電池~ 對話中得知~ 我地依家正身處於Star Command 太空指揮部~ 而求救訊息中會聽到呢場搶劫嘅幕後主腦... 就係銀河系最大壞蛋索克天王~





正常入口同fast pass 之隔... 其實係一本玩具說明書... 呢件玩具正正係你將會登上嘅太空巡邏船 XP-38.... 傳聞中呢個型號係會依照每次更新新版本而加上去~ 黎到香港呢個版本係XP-38...





頭號通緝令....



再向前行就會見到巴斯光年嘅Audio-Animatronic Figure~ (題外話: 呢個係HKDL 現時最高科技同最複雜嘅AA... 不過遲D 就會被Mystic 取代....) 呢度其實係一個pre-show room~ 唔好再話HKDL d ride 冇pre-show 啦~ 緊接之前等侯區個故仔~ 巴斯收到Star Command 指令~ 擔任今次對付Zurg 嘅軍師~ 而你就被徵召成為初級太空巡邏員~

索克天王搶去銀河系大量能源 (電池)... 用黎啟動佢嘅秘密武器~ 而下一個目標就係離Star Command 總部不遠嘅三眼仔家鄉 - Green Planet~ 巴斯一再講解今次任務~ 我地只需要負責打嘅壞人就得~ 綠色兵團 (三眼仔) 會將壞人手中嘅電池運返總部~! 巴斯會留守喺Star Command~ 因為佢仲有更緊要嘅事要做~ 警號響起~ 我地需要立即去停機坪報到!!



由控制室走到出去停機坪... 我地會經過太空指揮部嘅不同房間~ 包括訓練場同維修部~






黎到停機坪~ 原來警號響起係因為Star Command 已經被索克天王嘅機械人軍團包圍~ 我地需要立即登上XP-38 太空巡邏艦出發!!



 
一飛出去就見到Star Command 出面.. 果然真係被索克嘅機械人軍團包圍住~ 唔知大家玩左咁多次有冇發現... 我地要射嘅目標... 全部都係壞人身上~ WDI 構思呢個遊戲嘅時候~ 都有諗到遊客所扮演嘅角色~ 係要對付索克天王同佢班機械人軍團~ 所以目標唔會放係「自己人」身上~ 如果唔係個故事就會好矛盾~ 所以係玩嘅過程中~ 每一位太空巡邏員~ 都會不自覺好努力咁大戰緊索克軍團~




呢度就係三眼仔家鄉 - Green Planet~ 個外形都似三眼仔呢~ 索克下個目標就係呢度~ 佢用呢班機械人作掩護~ 想降落喺Green Planet 度~


 
 
但當然我地唔會俾佢得逞~ 你睇下~! 我地好快搵到索克天王隻太空戰艦啦~~ 衝入去直接同索克天王對決吧~




與此同時... 我地會見到呢班機械人都會將佢地搶到返黎嘅電池運抵索克戰艦~



輸送帶將一舊一舊電池運往索克天王秘密武器嘅研發室...



睇下後面~!! 好大堆電池已經駁好電準備啟動武器~



呢位好盡責嘅機械人... 誓死將斷左嘅電纜駁合~ 雖然我地好欣賞你嘅忠心~ 但為左整個銀河系安全~ 你都係要被擊倒~ 只要你一射中佢... 電流就會停止輸送~


 
終於同索克見面~ 由於佢嘅機械人軍團已經被我地瓦解左~ 而我地亦都闖入左佢艘戰艦~ 佢不得不將戰艦上所有能量注入佢身後嘅秘密武器中準備逃脫~~ 已經充電完畢~ 一切似乎已經太遲~ 我地同佢正面交鋒嘅同時... 見到佢身後嘅窗有一個星球高速旋轉... 睇真d... 原來唔係個星球旋轉呀!! 而係索克天王艘戰艦已經失控~ 正急速墜毀~




撞啦~~~~! 突然全艘戰艦都冇晒電.... 只剩低一班冇用嘅機械人.... 送埋你地最後一程啦~~!



逃出索克架戰艦後~ (如果你出左呢個SCENE 之後向後望返~ 會見到架戰艦真係撞毀左~) 發現我地黎到Planet Z.... Z 代表咩?? 就係我地呢個ride 入面所有目標個標誌~ Z=Zurg... 呢個星球係索克嘅根據地~ 星球上有好多怪獸 (分史前生物同外星生物).. 其實都係玩具!



索克就係呢個時候登上左佢架秘密武器飛走左~~ (留意下圖恐龍頭頂~)


 
當然唔可以俾佢走甩~ 但係呢度有太多怪獸阻擋住你去路~ 只好清除左佢地先~




終於都衝出怪獸陣營... 遠處見到索克正加速飛向Green Planet~! 由於剛才Planet Z 擾攘左一段時間... 要追上索克... 我地唯有推至光速飛行模式~!



呢條外間稱之為「時光隧道」嘅場景~ 其實係解你正以光速追捕緊索克~ 追唔追到呢??



追到黎Green Planet 上空... 巴斯呀!!!!! 原來佢之前喺Briefing Room 度話要做更重要嘅事~ 就係呢個危急關頭截住索克~



另一邊~ 一群三眼仔正飛出黎..............



合力拆毀索克件秘密武器~ 再加上巴斯猛射索克~ 頭號通緝犯大勢已去~! (玩果陣仲可以留意巴斯腳底~ 有Andy 個簽名~!)


 
最後三眼仔將索克就地正法... 將佢入盒回收返去AL'S TOY BARN.... 邊度係AL'S TOY BARN?? Toy Story 第二集間玩具店~ 記唔記得嗰個扮公雞嘅中年男人?




任務完成~ 歡迎黎到Star Command Green Planet Station~ (係ar~ 望下上面~ 你已經身處三眼仔星球啦~) 左右兩邊都有好多三眼仔歡迎你~



今次做得好好呀太空巡邏員~ 剛巧Star Command 招募新兵~ 你有冇興趣加入成為太空戰士一份子??



轉個彎就黎到太空指揮部補給站~ 除左俾你補給物資外~ 仲可以見到三眼仔正努力將d 電池放返入倉~ 銀河系再次回復和平~!



多謝你嘅參與~~!

其實WDI 真係擺左好多心血去創作故仔等大家去發掘同投入~ 每一個RIDE 都有佢自己嘅故事~ 希望大家一窩蜂去試玩新設施嘅時候~ 不忘HKDL 其他好有趣嘅設施~!

沒有留言: