2012年4月29日星期日

降傘再出現故障



香港迪士尼樂園的機動遊戲又出現故障!開幕僅得五個月的「反斗奇兵大本營」區內的「玩具兵團跳降傘」機動遊戲昨午突然停機,卅六名乘客被迫在黃色暴雨警告生效下冒雨在半空吊吊揈九分鐘。有知情人士向本報爆料指,涉事機動遊戲經常壞機,單是過去一個多月已故障四、五次。他形容該遊戲「非常不安全」,但因樂園毋須向傳媒公布,故事件最終不了了之。
香港迪士尼樂園證實昨日的事故,但重申不涉及機件故障。樂園發言人指,昨午三時許,「玩具兵團跳降傘」設施運作時啟動安全保障系統,操作員即時以手動操作,協助卅六名乘客於九分鐘內抵達地面,事件中無人受傷。樂園事後暫停設施廿七分鐘進行檢查,並通知機電工程署,惟因當時天氣不穩定,故機動遊戲暫停至昨午四時四十分才能重開。
機電工程署發言人稱昨日下午收到有關「玩具兵團跳降傘」的停機報告。據了解,遊戲機用作運算速度的編碼器發出故障訊號,安全系統發揮作用停止遊戲機運作,迪士尼於下午三時三十分完成檢查,並於下午四時四十分左右恢復遊戲機的運作。
==================================================================

雖然我知道一個ride 要停其實有好多個原因~ 有可能同機件有關有可能係人為~ 但唔知點解傳媒就係針對住Parachute drop 唔放咁講佢壞~

到底PD 係咪真係壊得好密呢?? HKDL 對於天氣都有指引... 黃雨仍然會有戶外設施開放... 而各位讀者或者會知道遊樂設施係唔可以擔遮~ 因為風ge 阻力會令到你拎唔穩把遮~ 我唔係想話今次呢件事係同遊客不守規矩有關~ 而係想大家明白有好多時你或者會覺得樂園同CM 不近人情... 點解咁變態迫人淋雨呢? 其實都係為左你安全著想.... 你以為上到去就冇人理你可以開遮?? 咪成個停左lor~ 希望大家都會體諒一下...

再者.... 我覺得現行HKDL 有關天氣ge 機制可以update 一下... 因為樂園處於大嶼山一個凹位... 有讀Geog 都知道雨雲係點樣形成~ 所以樂園天氣變化可以好誇張!! 天文台發出黃雨係針對香港普遍地區... 但HKDL 有機會更嚴重~

希望HKDL 可以幫PD check 緊d la...

最後.... HKDL 應該起更多Indoor attraction!! 同埋上面張相個角度... 點解影相個人可以企係Mystic Point 入面ge?

2012年4月24日星期二

香港迪士尼樂園 - 獅子王慶典FULL SHOW



真心尊敬同佩服HKMSG 一眾Fans 為我地帶黎咁多詳盡ge 資訊... 上個weekend 佢地已經預告左會入park 拍攝多角度完整版獅子王慶典表演~ 估唔到咁快就已經剪輯好upload 左上youtube~ 大家可以睇睇...


美中不足係上個weekend d 車唔識得郁令到呢段youtube 片段唔完美~ 但呢個唔係佢地控制到ge 事... (但正面d 去睇~ 出狀況ge Lion King 版本都唔係成日有~) 而如果要我俾一個意見... 如果係想作一個完整版紀錄~ 我會想角度再多d~ wide shot 可以有晒四邊~ 不過大前提會係要d 車郁先會睇到不同角度ge 分別... 當然我呢條懶蟲係冇資格教人或者要求人點做~ 畢竟依家有呢個心ge fans 已經越來越少~

回想早幾年HKDL 係有好多呢班全心全意ge Fans 去支撐住一切外來阻力~ 好懷念當年fans 們之間咁團結咁不分你我ge 日子~

認真可能得罪都想講一講... 仍然會分享拍攝擴建進度ge 朋友... 數得出ge 得返一位... 大家輕輕鬆鬆坐係電腦前面等睇相睇片... 你會唔會為左分享HKDL ge show 俾外國網友睇而坐足成日睇晒四場你睇過不下100 次ge Lion King?? 拍唔難但係後期製作先煩到你嘔~ 或者你曾經有興趣想知道點樣先可以睇到VIP post~ 呢班VIP 又係點黎呢? 就係呢班願意付出不計回報ge fans 們~ 心態真係好重要~

上星期見到有網友抱怨HKMSG update 唔夠快... 真心覺得唔抵... 如果大家係可以接受到一張相介紹五張貼紙但有兩張重覆左... 由排位影相upload 打字呢眾多個步驟都冇察覺到ge 呢一種速度~ 市面上都有選擇ga wo~ HKMSG 張張相都影到官圖咁.. 小弟係由心去欣賞佢地果份堅持同執著~ 希望大家都會欣賞la~

2012年4月23日星期一

女工程師化身迪士尼「裁縫」(更新商報詳盡專訪)




本港近年積極提倡創意產業,吸引年青人加入及創造更多就業機會。不過,往往僧多粥少,一職難求。正如夢工場一樣,主題樂園內的設施之設計,必須要由想像豐富的人擔任。工程師通常都參與硬基建,幻想工程師的工作同樣艱巨,但卻有很大滿足感。
實景呈現妙想天開故事
迪士尼「幻想工程師」的團隊陣容龐大,領導一班繪畫師、服裝設計師、舞台設計師,道具技師、攝影師以及劇場燈光師等,將一個妙想天開的故事,以實物在樂園呈現在觀眾面前。香港的樂園需要擁有香港的幻想工程師。樂園的一磚一瓦,都是經過他們的多番構思,始夢想成真。
香港迪士尼樂園於2005年9月正式揭幕。樂園的土地是靠填海得來,工程龐大,特別是要加入獨一無二的元素去吸引全球游客,在設計時要考慮香港的氣候,比較熱及多雨,需要建立一個完善的排水系統。
反斗奇兵大本營已於2011年11月開幕,為亞洲獨有主題區,以迪士尼及彼思首部合作的長篇《反斗奇兵》為主題。
新增的主題區─灰熊山谷預計於今年夏季開幕,將會是全球獨有的主題區。背景是一個被灰熊占據荒廢淘金小鎮,主要游樂設施為灰熊山,登上極速礦車一刻,可捕捉到一張張在身邊的可愛小臉,發現四周的灰熊與你揮手。這將是幻想工程師另一杰作。


迷離莊園預計2013年春季落成,又是全球獨有主題區。座落於茂密但人煙縹緲的熱帶雨林地帶,這座模擬1908年的維多利亞式大屋的迷離大宅,收藏着大量珍品。



彭雯慧棄鐵飯碗追求理想
香港華特迪迪士尼幻想工程設計經理彭雯慧(Louise),2002年加入迪士尼,之前在機電工程處(EMSD)工作,屬最後一批長俸公務員。為追求理想,她毅然放棄鐵飯碗,加入迪士尼幻想工程部門,為迪士尼設計電力設施、系統和器材,為配合故事的需要,會將一些實用的電力設施,經巧妙設計,包藏得美輪美奐,融入場景。

彭早年在加拿大修讀電汽工程師,又稱為電機工程師。她曾參與過多個本港大型基建工程,包括海底隧道、機場、地鐵等,及去過北京做過一些大型項目。
她說,「迪士尼幻想工程師是很獨特的工作,與傳統工程分別很大。我個人的理想是能夠參與特別大型的基建工程。」彭雯慧在童年曾經到過美國及日本的迪士尼樂園,平日亦看迪士尼的卡通。令她對童話故事留下深刻印象及好感。
「幻想工程師就像從事其他工程一樣,要經歷不同的設計階段,所有設計必須配合故事內容及角色。我們要了解故事的背景、人物,然后整個團隊再決定每一個場景、設施及機動游戲應該怎樣,可以貼切地表達故事內容。」她指出,樂園內經常播放悠揚的音樂,但周圍細望卻見不到喇叭。因為它像其他設施是有意識地收藏起來,所以從外表來看是很難察覺。
呂悅容杰作轉轉彈弓狗
另一位迪士尼幻想工程師呂悅容(Eva),在澳洲悉尼新南威爾斯大學修讀建築,於2006年加入迪士尼。她將天馬行空的建築構想,設計成一座既符合法例,又擁有如水、電、消防通道等必須功能,兼外型獨特從未有人建築過的建築物,轉轉彈弓狗的幾層樓高大紙盒,就是她的杰作。
對於有意成為幻想工程師的年輕人,她提醒,最重要的是喜歡自己的工作。因為此份工作的要求很嚴格,好容易受打擊,想放棄。
「工作的壓力可以很大,有時候單是選取材料都不容易,就如轉轉彈弓狗,初時嘗試過很多不同類型的物料,試過用石膏板,但香港天氣潮濕,并不適合。」
呂悅容表示,設計反斗奇兵大本營,作為建築師就要盡量模仿故事細節造出適合的場景。所以,自己也要熟悉故事的主要情節,一方面外型要逼真,同時也符合安全規例。轉轉彈弓狗,外表看似簡單,仿似一個紙盒,原來里面收藏了好多東西,如自動灑水系統、冷氣、燈、音響。
入行要腦筋靈活敢創新
幻想工程師對於港人仍然是一個新穎的工種。她認為,年輕人想成為幻想工程師,腦筋要靈活,不要太死板,還要具有解決問題的能力。彭雯慧則說,修讀工程學已經是不容易,如果在完成學位後,不怕困難及挑戰,不想只是因循條例,而是想更清楚這些條例背後的真正意思,再上另一層次。最重要的不要將自己局限在框框之內,要想到底有什麼方法可以做到。不斷思考、闖難關及創新,人家可能未能做到,但可以突破現有規範。如果本身具備這些條件,就適合做幻想工程師。迪士尼有時候會帶來新設施,都要經過向政府不同的部門申請,通過安全測試。迪士尼本身也有樂園安全設施的標準,通常比當地政府要求更高。公司對品牌非常重視,一定要做到安全、穩定及舒適。
擔任幻想工程師,一個額外的鼓勵就是有機會派往美國華特迪士尼幻想工程實習。彭雯慧回憶起第一日上班就是往加州,因為當時本港的華特迪士尼幻想工程尚未成立。她獨個兒帶着一疊名片及機票,包括經理的電話就起行。這個經驗的感覺很好,她在當地接受了三個星期的培訓,與其他的幻想工程師一齊交流。

「他們想了解在香港興建迪士尼樂園可能面對的問題,如有些設施在香港做是否符合法例,又會有什麼修改。我會清楚本港的規範,他們就了解迪士尼的要求。」
彭雯慧在香港迪士尼工作已經有10年,早至填海時期開始參與建設,可說是見證了樂園的成長,有份湊大這個孩子。幻想工程師在香港來說,屬於少數的工種,但工作性質非常有趣及具挑戰性。
「迪士尼每一個新建的園區都是新挑戰、新概念,容許我發揮有關工程的知識。香港迪士尼樂園的設計要迎合本地游客的需要,還有是消防設計的要求。就如反斗奇兵大本營,須要容許消防車可以駛入,但巴黎迪士尼樂園卻沒有這個需要。」


天氣對樂園設計影響深遠
另外,幻想工程師要關注的是天氣因素,因為對於樂園的設計影響深遠。香港的天氣較熱、濕度高,須要增加冷氣設施,加裝風扇。加州通常風和日麗,天氣較涼爽,戶外停留也無大問題。至於天氣對於建築材料的影響也很大。香港去年落成的反斗奇兵大本營,巴黎迪士尼樂園也設有同一個園區,但本港園區考慮的因素是不同。為了對樂園的設計有更多了解,彭雯慧及呂悅容都曾到過巴黎作實地考察。

==================================================================

睇完商報呢篇.. 就會知道到底香港主流報紙係幾咁精簡只講對佢地有興趣ge 話題... 當然對於一般讀者知道d 喇叭收埋係邊係最得意~ 但係對於我地呢班好想知道幻想工程師呢個行業ge fans 黎講~ 商報呢篇深入專訪就更值得花時間睇~

由最初公佈時大家見到三個新land 有一條好闊ge 通道... 有d 朋友認定呢三個land 會有個小parade.. WDI 親自講左呢條路ge 作用係同Parade 無關~ 而係要附合消防條例~ 其實AL FL TL 都有ga~ 不過你唔覺姐~

「幻想工程師要關注的是天氣因素,因為對於樂園的設計影響深遠。香港的天氣較熱、濕度高,須要增加冷氣設施,加裝風扇。」好同意ar... 咁點解仲要起TSL?? 數數手指... 有雷暴警告 / 紅雨 / 三號風都仲玩得ge attraction.. 小小世界係第十個~ Mystic 開埋先係第十一個~ 邊度足夠呢?? 下個plan 應該要諗多幾個indoor attraction la~~

對WDI 好有興趣~~~ 如果可以更了解佢地就好~

==================================================================


在幻想世界香港迪士尼樂園,胡迪警長的襯衣內、睡公主城堡的圍牆中,都「窩藏」了好幾個大喇叭;探險世界內的大樹幹,原來也暗藏了電線變成電橙柱。兩位女幻想工程師彭雯慧( Louise)和呂悅容( Eva)像巧手裁縫,將喇叭、電線等化物品融入了童話世界,卻不着半點痕迹。 Louise笑說:「我哋將冷冰冰嘅石屎變成玩具、硬繃繃嘅電線變成有生命。」

迪士尼幻想工程師呂悅容(左)和彭雯慧,把現代設施融入樂園場境


喇叭藏胡迪襯衣



Louise是資深電器工程師,自建園起便擔任幻想工程師,負責設計樂園的電力設施。冒險世界的電燈柱,為配合森林主題佈局,不能出現冷冰冰、灰沉沉巨柱,她想到用高四米的樹木做燈柱。工程師在樹幹垂直開一條狹小的縫,將電線藏入,最後以木條嵌回開的空位,再在頂部安裝燈膽,變成一棵會發光的巨木。

巧妙地掩飾大喇叭,是一門高深學問,走近睡公主城堡前,就會聽到悠揚音樂,但看不見喇叭。 Eva笑言:「一般遊客唔會知放喺邊。」她指出,城堡其中一段圍牆就是「隱藏喇叭」,經專家粉飾,喇叭外形與牆壁一樣。在卡通人物模型身上安裝喇叭亦十分巧妙, Louise表示,須令人感覺自然,聲音要像在由模型的口中發出。她是胡迪模型的「裁縫」,曾考慮過在胡迪的腰帶、背心或襯衣安裝喇叭,最終決定安裝在襯衣位置,襯衣的點狀花款便是喇叭網,「如果放喺腰帶,聲音就好似係肚腩出嚟」。

Eva說由於每個建築物須符合原著獨特設計,又要兼顧實用和消防條例,每次開會要召集不同專長的工程師研究。有時為了說服機電署接納設計方案,還要遞交實驗報告。 Louise指一般工程多有前例參考,但樂園的建築物往往是獨一無二,所以工程師要打破固有思維,「唔可以話人人都係咁做,係我一定要做到」。

===============================================

HKDL 越來越識得自Break Magic~ 係一件令人鼓舞ge 事~ 逐少逐少向香港人揭開自己神秘面紗~ 希望會有更多呢一類ge 訪問~

記得要click 入去睇段片~ 除左如文字介紹喇叭同電線外~ 仲深入淺出介紹左一種theme park 同商場decoration 常用ge 物料~ 大家一定經常性去商場影相時觸摸過佢地~ 但係你未必知道原來佢地係咁堅硬~ 片段最尾仲叫人下次入park 要細心留意事物~ 唔好浪費WDI 一番心機!! 好感動!! 證明只要你同傳媒關係良好~ 連蘋果都會幫你!

期待Grizzly Gulch開幕! 聽到一則小道消息令到我相信到時蘋果會同HKDL更friend~

2012年4月20日星期五

上海迪士尼更多構想圖曝光

又多左三張Concept arts~ 而且仲要係畫得幾detail~ 證明個idea 已經非常清晰~ 黎一張全景圖.. 城堡後面自然係fantasyland... 但前面有一個唔知咩庭園咁ge land... 呢個數目上官方又當做一個land~ 連埋左邊Tomorrowland 同右邊海盜區域同恐龍區域~ 話就話五大主題園區~ 但個庭園真係唔知當唔當係... 左下角果個並唔係樂園部分~ 而係Down Town Disney~ 我相信香港只要起埋就可以打和~


續上圖.. 除左左邊個Tomorrowland 有別於其他TL ge 格局外... Fantasyland 我見到好似有小矮人過山車.. 仲有一個似DLP Alice 迷宮花園ge 佈局~ 右下角係恐龍theme 激流... 而正右方係..... 好大個skull rock.. 一睇都知係海盜區... 個layout 同小弟上年7月係度post 過果張concept art 有八成相似~



如果想重溫呢篇講SHDL Pirate land ge 文章~ 請click 入呢度~ (傳說中上海迪士尼海盜區域構想圖曝光)

入口庭園... 幾個原屬於Fantasyland ge 轉轉RIDE 搬左出黎... 入口並唔係Main Street 左右兩排建築物... 冇錯WDI 講過SHDL 係唔會有Main Street~ 但冇講過佢地唔會起商店... 最初睇幅圖.. 仲以為自己睇緊Tokyo Disney Sea...



同返正面果張concept art 睇... 呢個區域真係冇乜特別... 就好似一個放到好大ge Hub~



再走出去... 呢度就係正門... wa... 入口仲高過我地座Castle~ 不過係正常ge~ 因為WDI 唔想d 人係入口見到園內ge 世界.. 所以佢Castle 起到咁高... 入口個建築物都要有返咁上下高度先可以遮住....
好la 為免各位新搵到呢個blog ge 朋友仔唔清楚上海迪士尼個情況~ 又重溫少少~
上海迪士尼首期ge 模型~ 總面積同香港迪士尼差唔多~ 因為我地已開發做facility (如office) ; 迎樂路預留做Down Town 同兩間酒店之間等等ge 空地係唔列入報紙所講未開發面積果7公頃地入面~

佢地座城堡叫Enchanted Storybook Castle~ 唔屬於任何一位公主~ 入面會有個"Once Upon A Time Adventure" ge 遊樂設施~



一入到去就見到呢條充滿魔法ge 旋轉樓梯~ 帶你進入眾多位公主ge 故事~ 可能有少少似依家東京座CASTLE.... 但呢座入面唔只得一位公主~



"Once Upon A Time Adventure" boat ride... 好似JRC 咁..



似乎update 左之後ge SHDL plan 冇之前咁吸引... 雖然佢仍然有個海盜區域... 得呢個我覺得係.. 介意~ 其餘都覺得.. 佢起跑線係贏左2005年ge HKDL~ 但都要睇睇之後會點發展~ 常言道... Concept Art 永遠係最靚... 但依家連Concept art 都唔係太靚ge 時候..............

擴建資訊 (4月號)

竟然會有d 咁ge 相睇~ 官方? 非也~ 既然外國forum 都post 左~ 應該全世界都知ga la~

過去年幾大家都只係火車/ 樹屋影到GG... 今次都算深入陣地去影detail 位~ 呢d 礦物 (硫磺) 池~ 就算依家冇水你睇落去都好似有深度咁... 放左水一定好似~ 就係因為呢度礦量豐富先會發展成淘金小鎮~ 就係呢度地殼不穩先會有一個以間歇泉為主題ge 玩水區~





如果你睇完上面d 相覺得... 「wa~~ 咁假~ 係咪真係有ga...?」ooh~~ 世間上真係有呢種色彩咁豐富ge 礦泉~ WDI 資料搜集做得好足~



繼續睇過山車軌~


上山冇路後墜位... 正面咁樣睇夠唔夠斜??



唔夠? 向後望返又覺唔覺斜??



火藥庫後面即將進行爆破ge 工地... 入面佈滿炸藥... 可惜兩隻熊母子趁工人休息時間闖入誤爆炸藥....


 


攝於灰熊山頂... 睇睇遠處原野劇場個頂... 就知GG 有幾大... (應該再乘2~ 仲有濺水區果邊~) 好很高ar~~~ 仲有圖中條軌.. 下... 話唔激果個係咪玩開跳樓機ga....?



圖:...... snowyearround

================================================================

好不容易又到月中~ 又可以坐火車la~~ 不過當然係睇左相先~ Mystic Manor 頂部~ 今次再見到多一個洋蔥頂~



咦...? 呢個角度係咪Parachute Drop? 正!! 影相果位真係好有心思~ 好耐冇見到呢個角度ge 相~ 喂... Adventurers Club 成個頂蓋都露晒出黎.. TSL 廁所頂搞到咁靚都冇用ga wo... 一望MP 就....






Grizzly.. 都冇咩特別~



唔知點解embed 唔到片~ click 入黎呢度睇la~

======================================================

仲有一段時間先到月中... 大家仲未有得搭火車睇地盤住~ 不過Main Street Gazette 都有update 到上樹屋影灰熊山谷ge 進度~



如果大家有留意到今日各大報章WDI 心思細密著重Detail ge 報導~ (未睇可以click 返入黎呢度~) 其實個人認為呢個專訪somehow 已經係為鋪排Grizzly Gulch 做宣傳準備!~ 因為講detail 程度... Grizzly Gulch 同Mystic Point 將會係香港迪士尼樂園渡假區數一數二最仔細ge 園區~ 就好似主山峰.. 你又搵唔搵到Hidden Mickey 呢? GG 成個區域都係detail 之作~



假設GG 仲有三個月開幕~ 一個月前俾各大團體 (CM, MA, 明星, 政黨等) 試玩... 兩個月前係facebook 分階段逐少介紹GG (就好似TSL 當時都一樣)... 咁依家呢一個訪問時間上就非常合理~

更多資訊請瀏覽大街小報
===================================================================

今年清明節同復活節特別friend~ 兩個假期只係相隔一日.. 所以假就照放.. 而未必每個家庭都會係清明正日去拜山~ 好多CM 今日都存在住一個疑問.. 乜迪士尼有山拜咩? 今日就黎睇睇... 灰熊山....

上星期都仲未有圍板ge 木筏位... 突然有一排圍板一直伸延至鐵路橋下面.. 而吸煙位都放左鐵馬... 過去呢個位有工程都係因為Halloween 鬼屋... 而今年分別在於Grizzly Gulch 係Halloween 前開幕.. 呢條路將會係進入灰熊山谷ge 兩條通道之一... 到底依家ge 工程會唔會係同灰熊山谷有關呢? 而如果工程係同GG 有關又會唔會係由Adventureland 進入西部小鎮ge 一段過渡位??




但似乎呢度最大機會加ge 係呢塊牌~ 唯有繼續留意一下la~ 反正都係留意多呢兩三個月姐~ 灰熊山谷好快就開la!!!!!



===================================================

剛剛醒起都好耐冇上去Disney 全球Audition 個page~ 一睇.. 原來HKDL 會有新show wo~ Grizzly Gulch 有表演~

Welcome Wagon Street Show:
Miss Kitty- Starring in the Welcome Wagon Street Show, Miss Kitty is the sultry and spirited proprietress of the local saloon in the new gold mining town of Grizzly Gulch. Singer/Actress/Street Performer that moves well. A brassy alto – strong G below middle C to C (possibly a mixed C#).

呢個淘金小鎮都仲係有人居住緊同做緊生意~ Saloon 係故事上似乎唔只係一間小食店咁簡單wo~ 雖然係地圖睇呢個位應該都冇得俾人入去.. 所以唯有出黎街頭表演~ Miss Kitty~ 終於有返呢d 街頭show la~~~ 希望Dapper Dans 都可以返黎la~

Wagon... google 得出result~ 唔知個show 會係點ga 呢?? 好似幾吸引咁wo~



我期待個畫面會係咁.. 有吉他有提琴... 有Miss Kitty 再有架Wagon.. 我會唔會太大想頭?

2012年4月18日星期三

園方計劃大本營內建商店

香港迪士尼樂園「貴客」如雲,刺激精品銷售創理想成績。該園行政總裁金民豪表示,園內精品銷量佳,而且「越靚、越貴,就越好賣」,例如千多元的手錶等精品甚受歡迎。在「反斗奇兵大本營」開幕後,有關反斗奇兵的產品銷量顯著上升,更有不少旅客抱怨在「大本營」這個以玩具為主題的園區,「竟然沒有玩具賣」,因此,樂園正擴展購物點,並計劃在「大本營」開店售賣樂園產品。
金民豪坦言,迪士尼過去的策略是著重家庭旅客,但90%家庭旅客已到過迪士尼,故必須吸引更多非家庭旅客進場,包括增加「反斗奇兵大本營」等適合年輕人遊玩的主題區。隨著年輕客源不斷增加,年輕人耍玩時的「嘩鬼叫」聲反而增添園區的氣氛,「連因為排隊太久的投訴都減少」,他笑言這是意外收穫。至於會否增加類似的戶外機動遊戲,他回應指,因運作上很大程度受制於天氣,故需要小心考慮。

呢段新聞講出園方有計畫因應遊客反映~ 係TSL 入面會開商店... 其實WDI 一早已經預留左位置俾SHOP~ 又再post 多次D23 Expo 個模型... 藍色位~


位置應該大約係呢度... 依家係一堆草~ 如果繼續有更多人反映想要TSL 入面起shop~ 應該會加快擴建ge 步伐.... 而且商品又確實係直接為樂園帶黎龐大收入~ 園方應該敵不過咁大塊肉ge 引誘~ (但係小弟框個範圍係過大ge... 真正個size 應該會同洗手間差唔多大小~)

但係TSL 開幕時都有講過園方有意為RC Racer 加多一條軌....大前提係RC 受歡迎~ 所以如果起多一條RC軌.. 明顯就係新軌同新商店爭地~

好彩過左冇耐金生接受訪問時坦誠估計錯誤... 最初以為RC 會成最受歡迎項目~ 但最後跑出ge 係Slinky Dog~ 「好多人竟然怕遙控車太刺激,睇嘅人多玩嘅人少」. 加埋Grizzly 開幕... 相信起多條軌ge 機會越來越低.... 睇ge 人多玩ge 人少~ 等緊人玩ge 同時可以歎住冷氣 (暖氣) shopping~ 都咪話唔爽!!

================================================================

咦?? 乜呢篇唔係舊聞黎ga 咩?? 冇錯呢篇的而且確係一月時候ge 報導黎~ 但係點解B san 要再post 多次出黎呢? 其實係因為尋晚講DLP CEO 透露佢地正研究起一個據似Toy Story Mania ge attraction~ 而勾起左小弟對於WDC 數年前提出想係全球五個迪士尼樂園渡假區內都起TSM~

而大家唔知記唔記得有一個小組叫「迪士尼事件聯盟」呢? 當年各Fans 都對TSL 反感情況下係Facebook 開左呢個group 一方面希望立法會通過注資撥款ge 同時都想HKDL 聽取Fans 們ge 意見~

當年呢個小組係有同HKDL 代表見過面... 當中亦有點名提出過香港起Toy Story Mania ge 可能性~ 但係當時香港迪士尼代表稱我地已經有一個類似ge Buzz 射擊遊戲~ 而且到香港起得黎個技術已經唔係最update~ 所以... 我唔知道呢個算唔算係officially turn down 左一個意見~ (但呢位代表ge 思維並唔適合代表Disney park.. 起得ge 都唔一定要係最新科技...)

三個擴建區域計畫比預計早左一年完成~ 雖然金生話今年會同政府再傾一個擴建方案同埋公佈~ 呢一刻唔好理下個計畫係咩先~ 現已知道ge 計畫就會係TSL 起一間商店~ (又或者只係售賣點而非一間舖) 消息稱園方的確係有呢個計畫~

原定2014年Mystic Manor 開放.. 2015年將會係十周年活動ge 天下~ 又預計2016會係下個擴建計畫ge 開始~ 依家MM 早左開... 2014年係咪即係冇焦點呢?? 個人認為HKDL 唔會捨得再俾個park 有一年真空期ge~ 但到底2014年有咩計劃我就真係唔清楚~ 只不過係自己亂咁估ga 姐~ 咁難得一年一個land 開而2015又有大慶祝活動~ 冇理由2014等熱潮冷卻lor~ 大家不妨靜待一下有冇d 咩驚喜la~

再順便講一講上圖粉紅色範圍係咩黎la~ (因每次post 都會有人問) 呢個位WDI 預左起一間快餐店~ 但最後決定會唔會真係同F&B 有關呢? 唔清楚~ 定還是.... Toy Story Mania 真係人人有份?? 坦白講我比較係想要呢個結局~ Star Tours 同Toy Story Mania 是但有一個我都覺得HKDL 會比依家好玩~

2012年4月17日星期二

Star Guest 印刷品

 Star Guest 係冇乜宣傳ge 情況下已經開始左... (尋晚八幾點電視黃金時間再出多一次Toy Story Land 廣告... 係後面加多一個鏡頭sell 呢個活動..) HKDL 咁難得有新land.. TSL同GG 之間ge 活動都唔會有太大ge spotlight... 因為園方唔想模糊重點~ 希望GG 開幕ge 時候重點都會放係GG 度la~ 美國西部theme 都唔知可以點sell 俾香港人... 以呢期HKDL Marketing 功力~ 應該都信得過ge....

Star Guest 2012 確實係冇咩特別野玩... 而過去呢個event 都係俾一班AP / MA 儲下垃圾咁~ (難道你屋企人未試過形容呢D 紀念品係垃圾?? 哈哈~)

4月16號~ 說好的第二期卡 / 貼紙已經登場~




新GuideMap~ 只不過係將MA Center 同AOA 還原~



今次收藏卡供貨出現左延誤~ 一開始只得少量存貨派得好手緊~ 根據非正式統計.... 上星期各CM 被問得最多ge 問題就係點解見到款但又冇得派~ (當然扮無知係逃唔過fans 們天羅地網ge 資訊~) 再次感激CM們~ 辛苦晒~



由於小弟唔係小公主身邊亦冇小公主~ 所以以下只是廣告一則幫HKDL 星級公主之旅做做宣傳~ 參加星級公主之旅可獲得星級公主禮品包.. 當中有迪士尼公主獨家限量收藏卡(一套十款).. (只限參與星級公主之旅之小童) 圖片只供參考



想知道呢個星級公主之旅有咩玩~ 可以睇返呢篇Media Day 優先體驗介紹~
價目: 每位小童(3-11歲)港幣$1,288;每位12歲或以上賓客港幣$400

名額: 最少1位小童(3-11歲)及1位16歲或以上的賓客。每組最多3位賓客。此團需與其他賓客一同參與,每團最多為80位賓客。

啟程時間: 行程約3小時,於上午11:00開始

訂購方法﹕
您可透過以下途經預訂「星級公主之旅」﹕

網上預訂 由即日起至2012年5月17日,您可快捷方便地於網上訂購「星級公主之旅」。 (網上預訂連結)
 
電話預訂 由即日起至2012年5月17日,您亦可致電香港迪士尼樂園訂房中心熱綫:+852 1-830-830購買「星級公主之旅」。服務時間爲每日上午9:00至晚上8:00。

於港鐵香港站香港迪士尼樂園售票處 由即日起至2012年5月18日,您可於「星級公主之旅」啟程的前一天,在香港迪士尼樂園售票處預先購買。服務時間為星期一至五上午9:00至晚上8:00;星期六、日及公眾假期上午9:00至下午5:00。請按此下載地圖。

於香港迪士尼樂園賓客服務中心 由即日起至2012年5月18日,您可於「星級公主之旅」啟程的前一天,在香港迪士尼樂園賓客服務中心預先購買。

詳情可click 呢度進入官方網站或致電查詢熱線1830-830 (服務時間爲每日上午9:00至晚上8:00)

普通貼紙~ 今日開始五張... 一land 一張~ 傳聞4月中會有另外五張~



玩Magical Moment 或小遊戲都有機會獲得ge 大MM 貼紙~ 以下呢三張係一個系列~ 小弟有幸見證某d magical moment~ 實在係非常難得同尷尬ge 經歷~



而呢五張大MM 貼紙係一個系列ge~



MA exclusive 三款卡仔~ 4月16號會有多三款~ 有理由相信另外卡仔同貼紙都會係4月16號有得拎~



Guidemap~



呢個event 重點... 拎左個badge 就有magical moment~ 但其實唔戴都會邀請你玩~





用左幾年舊款~ 有CM 稱今年換logo 換款.. 令到佢地冇得拎返舊果d 卡仔出黎用~ 今次園方實在係太絕~ 哈哈~ 之後小弟一如以往回一句~ 「係la~ 有賊又唔去捉wo~」不過用上紫色配金色都幾靚ge~